Балқаш аудандық білім бөлімінің 2021 жылғы 31 тамыздағы №735 хатына сәйкес Ж.Бәрібаев атындағы орта мектебінде алғашқы қоңырау салтанатты жиыны «Білімге ұмтылу еңбексүйгіштік және отаншылдық» салтанатты жиын өткізілді. Мектеп ауласы безендіріліп, ашық алаңда өткізілді. Салтанатты жиынға ауданнан А.Қыбыраев, Ақжар ауылдық округінің әкімі Момынкулов Айдос Байболатұлы,ардагер ұстаздар, 1 - сынып оқушыларының ата - аналары қатысты.Салтанатты жиын жоспарға сәйкес жүргізілді. Мектеп директоры Деңгелбаева Назира Ғазизқызы алғашқы құттықтау сөз сөйлеп, мектеп табалдырығын аттаған бүлдіршіндерге жүрек жарды лебізін білдірді.
Шара барысында 1 сынып оқушылары тақпақ айтып, өлең жырларын арнады. Сондай - ақ қоңырау соғу рәсімі бойынша алғашқы қоңырауды 1 - сынып табалдырығын аттап отырған оқушылар соқты. Салтанатты жиын өз деңгейінде өтті. Сонымен қатар 2 - 11 сынып оқушыларына «Білімге ұмтылу еңбексүйгіштік және отаншылдық» тақырыбында сынып сағаттары өткізілді. Сынып сағаты әр сынып өз кабинеттерінде әр сыныптың жас ерекшелігін ескере отырып, көрнекті құралдарды пайдаланып, санитарлық - эпидемиологиялық талаптарды сақтай отырып өткізілді. Сынып сағат барысында оқушылар тәуелсіздікке қалай жеткендігіміз туралы өз ойларын ортаға салып, тәуелсіздікке арналған өлең, жырларын да оқыды, еңбек, отаншылдық жайлы әңгіме жүргізді.